中秋猛料 水貨Moto X 襯色DIY

iPhone 5c聽日「追月」就開售，儲存不過佢個「天賦多彩」�設計就似乎唔係好多人Buy；講起多彩，Motorola新作Moto X就令人期待得多，水貨趁中秋佳節火速到港，佢大玩DIY配色，官網上除�有黑、白兩色外，更加可以選擇「Design Yours」，有18色機背、黑白兩色機面、八色機側按鍵畀你揀，計埋有成252個顏色組合，玩味超濃。水貨今次就返�兩部，分別係黑面綠底以及白面桃紅底，兼且用上青黃色按鍵，撞色確實幾特別。實物拎上手，機身造功紮實，加上機背呈微弧形，手感唔錯。另外，買機時仲可以一併揀埋Sol Republic入耳式或耳罩式耳機，前者仲有成16種色畀你揀，肯定可以襯番部手機。轉手腕開鏡頭 搜尋靠把口硬件方面，單睇1.7GHz雙核心處理器以及2GB RAM，確實未必鍊得贏今期一眾Android新機，不過實際用落又比預期中順暢，打機、睇片都未見窒機，流暢度不俗。Moto X�軟件勁迷你倉驚喜，採用Android 4.2.2系統，而且仲引入唔少獨有新功能，好似拎住機轉�手腕就會啟動鏡頭、熄芒狀態下講「OK Google Now」就會即時開啟語音功能，試玩後發覺功能反應超靈敏，都幾實用！值得一提，今次返貨�新機並冇上鎖，不過就唔對應香港4G制式，美中不足；另外就依舊支援「Mo記」招牌Crystal Talk技術，傾電話幾乎冇晒背景雜音，以後搭地鐵煲粥，就唔使鬼咁大聲喇！SPEC制式：GSM、WCDMA、LTE處理器：1.7GHz雙核心記憶體：2GB RAM、16GB內存屏幕：4.7吋AMOLED（1,280×720解像度）鏡頭：前置200萬像素、後置1,000萬像素對外連接：藍芽4.0、microUSB、802.11a/g/b/n/ac電池容量：2,200mAh作業系統：Android 4.2.2體積：129.4×65.3×5.7~10.4mm重量：130g查詢：2396 6380mini storage